Neste curso aprenderemos a programar videoxogos clásicos. Cada día construiremos un distinto: tetris, arkanoid, pong, pacman e trivial. E no final de cada xornada, poderemos probalos e facerlles variantes.

Para iso utilizaremos unha das linguaxes de programación máis usadas hoxe en día: Python. Ademais do código, para os videoxogos teremos que pintar escenarios, personaxes e figuras xeométricas.

No inicio de cada aula descubriremos algunha curiosidade científico-matemática que nos axude a pensar as lóxicas de programación.

Áreas de coñecemento:

• arte
• matemática (abstración, cálculo, lóxica, xeometría)
• programación

>>> Se queres saber máis é só telefonar ao 981 900 284 e marcamos unha visita sen compromiso.